Middagvervolgverhaal
'n Radiovervolgverhaal wat jou verbeelding vrye teuels gee. Dit is 'n daaglikse fiksieverhaal wat op RSG uitgesaai word, met boeiende karakters en intriges. Die program is in Afrikaans en fokus op vermaak en storievertelling.
Episodes
KLOOFKIND deur Leon van Nierop – Episode 34
Marnus verander van persoonlikheid en terroriseer Lienkie skielik. Wanneer sy na haar kontrak kyk, besef sy sy het haar vasgeteken, en dat sy hom nooit werklik geken het nie. Haar senuwees gaan op hol.
KLOOFKIND deur Leon van Nierop – Episode 33
Shaun is terug, en besluit om Elzebet se aanbod te aanvaar en Die Boskombuis te herontwerp en daar te werk. Daar is egter iewers ‘n speek in die wiel...
KLOOFKIND deur Leon van Nierop – Episode 32
Xander en Neels gaan mekaar omtrent te lyf met Klara tussenin. Sy besluit om hulle albei van haar grond te verwilder. Sy besef ook dat sy onverwags ‘n gevoel vir albei die manne het.
KLOOFKIND deur Leon van Nierop – Episode 31
Marnus is baie geduldiger met Elzebet as wat hy met Lienkie was, maar selfs Elzebet besef daar is ‘n ander kant aan Marnus wat hulle nie eintlik ken nie - ‘n ongenaakbare kant.
KLOOFKIND deur Leon van Nierop – Episode 30
Lienkie lê haar sketse aan Marnus voor, maar ontdek ‘n baie harder man as wat sy tot dusver ontmoet het. Sy houding teenoor haar pogings verander handomkeer.
KLOOFKIND deur Leon van Nierop – Episode 29
Marnus probeer Elzebet oortuig om die mooiste erf op sy landgoed te koop. Hy besef dat hy Elzebet sal moer leer hoe om ‘n sakeplan op te stel, anders vou Die Boskombuis weer. Hy lei haar op.
KLOOFKIND deur Leon van Nierop – Episode 28
Jorrie waarsku vir Lienkie dat die eienaar van die vulstasie haar moontlik wil dagvaar. Klara hoor weer die hipnotiserende musiek uit die kloof, en sy besluit om te gaan kyk presies waar dit vandaan kom.
KLOOFKIND deur Leon van Nierop – Episode 27
Die nuus dat Xander nie vir die aanval op Shaun verantwoordelik is nie, skok almal. As dit nie hy was nie, wie is die skuldige?
KLOOFKIND deur Leon van Nierop – Episode 26
Marnus is ingenome met die nuwe reklameborde wat Lienkie vir Neelsie gemaak het, en maak haar ‘n aanbod, maar hy stel sekere voorwaardes
KLOOFKIND deur Leon van Nierop – Episode 25
Die koffieplek, Neelsie, open uiteindelik, en die hele kloof is daar om die inwyding by te woon. Xander is egter nie so ingenome met die sukses van die opening nie.
KLOOFKIND deur Leon van Nierop – Episode 24
Dit lyk of daar besig is om iets te ontwikkel tussen Marnus en Elzebet, en Mawiet is bekommerd. Sy vertrou Marnus net so ver sy hom kan sien. En hulle het nog nie eers behoorlik ontmoet nie.
KLOOFKIND deur Leon van Nierop – Episode 23
Shaun is so getraumatiseerd deur die aanval, dat hy nie alles wat gebeur het behoorlik onthou nie. Hy vlug terug Johannesburg toe, en laat meer vrae as antwoorde.
KLOOFKIND deur Leon van Nierop – Episode 22
Shaun is aangerand en die inwoners probeer bepaal wie daarvoor verantwoordelik is. Marnus verdink vir Xander vir die geweld.
KLOOFKIND deur Leon van Nierop – Episode 21
Shaun vertel vir Neels dat sy ma sy pa vir ‘n egskeiding gedagvaar het, en nou met die helfte van sy besittings wegloop, onder andere die helfte van sy landgoed.
KLOOFKIND deur Leon van Nierop – Episode 20
Nadat ‘n damwal verkrummel is Neelsie in gevaar. Hy besef dat die slyk die ingang na Neelsie, sy koffieplek, kan toeslik.
KLOOFKIND deur Leon van Nierop – Episode 19
Daar is ‘n groot bakleiery by die huisie wat Xander huur, en dit veroorsaak baie skinderstories. ‘n Onbekende meisie is hierby betrokke. Die inwoners is bekommerd dat Marnus die hele kloof sal opkoop.
KLOOFKIND deur Leon van Nierop – Episode 18
Neels gebruik Elzebet as sy eerste kliënt om sy verskillende soorte koffies te toets. voordat hy Neelsie amptelik open. Jorrie en Lienkie bespreek hulle planne vir die toekoms.
KLOOFKIND deur Leon van Nierop – Episode 17
Neels se wonde word verbind na die groot geveg. Lienkie het idees oor hoe op Neelsie te reklameer.
KLOOFKIND deur Leon van Nierop – Episode 16
Die brand het geweldige gevolge. Verskeie mense word daarvan verdink dat hulle by die brand betrokke sou gewees het. Xander slaan munt uit die chaos en beskou die dele van die fabriek wat afgebrand het.
KLOOFKIND deur Leon van Nierop – Episode 15
Jorrie vry hard na Lienkie, maar sy hou hom op ‘n afstand omdat sy voel dat sy hom nog nie goed genoeg ken nie. Hulle gaan daardie aand na die inwyding van ‘n nagklub in Nelspruit, en hulle gevoel vir mekaar raak hier skielik sterker.
KLOOFKIND deur Leon van Nierop – Episode 14
Marnus neem Elzebet na sy huis bo teen die berg, en sy besef nou eers hoe ryk en invloedryk die man is, veral wanneer sy sy drieverdiepingpaleis sien. Sy verneem ook dat hy pas geskei het. Xander maak planne oor hoe om sy roomysfabriek van die grond af te kry.
KLOOFKIND deur Leon van Nierop – Episode 13
Marnus en Xander ontmoet in die roomysfabriek, en daarna besef Elzebet dat sy nogal van Marnus hou. Dis die eerste keer dat sy so oor ‘n man voel. Shaun en Xander het ‘n lelike onderonsie.
KLOOFKIND deur Leon van Nierop – Episode 12
Xander verras Elzebet met ‘n besoek nadat hy teruggekeer het, en ontdek iets in haar huis wat hy graag wil koop. Elzebet is te verbaas om behoorlik te reageer. Neels maak ‘n voorstel aan Mawiet oor hoe sy by sy nuwe koffieplek betrokke kan raak, maar haar hart is in die restaurant.
KLOOFKIND deur Leon van Nierop – Episode 11
Ná die storm is Neels en Klara in ‘n geweldige argument betrokke. Elzebet maak ‘n groot bekentenis aan Mawiet. Mawiet weet nie herwaarts of derwaarts nie.
KLOOFKIND deur Leon van Nierop – Episode 10
‘n Geweldige storm bars oor die vallei los en verspoelings vind plaas. Klara is genoodsaak om die nag by Neels oor te bly. Ou liefde begin weer kop uitsteek. Dan kry Lienkie ‘n skokkende tyding.
KLOOFKIND deur Leon van Nierop – Episode 9
‘n Swaar storm steek op en die inwoners is bang dit is ‘n herhaling van Januarie se vloede. Neels help Klara oom haar paadjie te verstewig teen die watermassa wat kom en haar ooranghutte kan beskadig.
KLOOFKIND deur Leon van Nierop – Episode 8
Lienkie, ‘n voormalige kelnerin by die restaurant, Suikerbossie, daag by die vulstasie op waar Jorrie diens doen, en wys hom op ‘n paar foute. Jorrie spring in en besluit om restourasie vir Lienkie te doen.
KLOOFKIND deur Leon van Nierop – Episode 7
Daar is ‘n groot partytjie in Schoemanskloof, en almal, insluitend Neels en Klara, daag op. Hulle trek baie aandag. Ironies genoeg is die partytjie die oorsaak dat hulle opnuut hulle gevoelens vir mekaar besef, en agterkom dat hulle by die dag meer van mekaar hou.
KLOOFKIND deur Leon van Nierop – Episode 6
Elzebet waarsku Klara teen Xander wat skielik verdwyn het. Hulle vermoed dat hy met skelmsstreke besig is. Klare doen navorsing oor hom op die internet en kry ‘n paar skokke.
KLOOFKIND deur Leon van Nierop – Episode 5
Elzebet se huis word verbreek, en sy vat dit maar sleg. Dit was haar ouers se trots, met ‘n paar versteekte geheime. Xander verras Klara in die kloof, en dit lyk of hulle gevoelens vir mekaar begin kry.
KLOOFKIND deur Leon van Nierop – Episode 4
Neels verduidelik hoe hy dit regkry om koffie in die vallei te kweek en nuwe boompies te bestel om aan te plant. Hy bots trompop met die verwaande Xander, terwyl hy aan sy nuwe koffieplek beplan.
KLOOFKIND deur Leon van Nierop – Episode 3
Elzebet neem afskei van haar huis waarvan die mure nou uitgebreek gaan word. Xander sorg dat hy indruk maak in die vallei, maar dit is nie noodwendig positief nie. Hy ontstig die hele gemeenskap.
KLOOFKIND deur Leon van Nierop – Episode 2
’n Vreemdeling, Xander, daag op ’n motorfiets in die kloof op, en krap die hele wêreld om. Neels, die koffieboer, en Xander op sy motorfiets, ontmoet in ‘n ou fabriek, en die vonke spat. Xander raak deeglik bewus van Klara.
KLOOFKIND deur Leon van Nierop – Episode 1
Die pad in Schoemanskloof in Mpumalanga word verbreed om die verkeer meer geredelik te laat vloei. Dít raak ’n restaurant in ’n geskiedkundige huis nadelig. Die pad sal nou te naby die eienares, Elzebet Coetzee, se eiendom wees. Die dubbelpad bring dus baie verandering in lewens wat stagneer het, en verskeie mense raak ontwortel.
AGTERPLAAS deur Charles J. Fourie - Episode 60 (slot)
Rachel neem afskeid van Sannie, en Pieter en vertrek na Port Elizabeth. Frans eindig op by Giel se Gat en begin weer drink. Klets ontvang 'n brief van die SAUK na aanleiding van haar inskrywing vir die Sewende Laan cameo-rol kompetisie.
AGTERPLAAS deur Charles J. Fourie - Episode 59
Pieter weier om na Sannie te luister toe sy hom vra om nie voort te gaan met sy storie dat hy vir Moolman geskiet het nie. Frans gaan vir sy werksonderhoud. Gerda en Klets kry goeie nuus van Louw Visagie oor die moordklag teen Rachel.
AGTERPLAAS deur Charles J. Fourie - Episode 58
Pieter gaan vra raad by die pastoor oor wat hy moet doen oor Moolman se skietery. Rachel besoek vir Sannie by die rehabilitasiesentrum. Klets is woedend toe sy hoor Pieter het pastoor vertel dat hy vir Moolman geskiet het. Sannie besluit om huis toe te gaan, en verras vir Pieter en Rachel.
AGTERPLAAS deur Charles J. Fourie - Episode 57
Gerda gaan haal vir Rachel by die polisieselle en probeer haar gerusstel. Frans besoek vir Sannie by die rehabilitasiesentrum. Klets is bekommerd dat Pieter vir Louw die waarheid sal vertel oor Moolman se dood.
AGTERPLAAS deur Charles J. Fourie - Episode 56
Klets besoek vir Sannie by die rehabilitasiesentrum om uit te vind of sy gaan terugkom nadat Rachel vir Moolman geskiet het. Frans en pastoor woon Rachel se eerste verhoor by, waar sy borgtog kry. Pieter wil nie hê Rachel moet namens hom die skuld dra vir Moolman se dood nie.
AGTERPLAAS deur Charles J. Fourie - Episode 55
Moolman is woedend vir Rachel nadat sy die kliënt, vir wie sy 'n private dans moes doen, met sy drankie in die gesig gooi. Rachel vlug toe Moolman haar wil aanval, en daag by die karavaan op terwyl Pieter gereed maak om kerk toe te gaan. Klets hoor 'n rewolwerskoot in die agterplaas…
AGTERPLAAS deur Charles J. Fourie - Episode 54
Louw bring Frans se rewolwer terug, en beloof hy sal 'n ogie oor Rachel hou. Klets skaf 'n stel tweerigtingradios aan, en laat Pieter een van die radios by hom dra vir veiligheid. Moolman reël dat Rachel 'n private dans vir een van sy belangrike kliënte doen.
AGTERPLAAS deur Charles J. Fourie - Episode 53
Frans dreig vir Moolman, wat in reaksie vir Louw Visagie bel om hom te kom haal. Rachel het nie meer geld vir die hotelkamer waar sy en Pieter wegkruip nie, en besluit om terug te gaan na Moolman toe. Sannie vertel vir Frans sy wil vir alkoholverslawing-rehabilitasie gaan.
AGTERPLAAS deur Charles J. Fourie - Episode 52
Klets merk dat Pieter nie die vorige aand in sy kamer geslaap het nie, en is bekommerd oor hom. Louw besoek vir Moolman by die nagklub om uit te vind of hy weet waar Rachel haar bevind.
AGTERPLAAS deur Charles J. Fourie - Episode 51
Klets vertel vir Louw Visagie dat Moolman vir Rachel kom soek het. Frans is bekommerd oor Sannie wat al meer teruggetrokke raak, en is bang sy drink weer skelm. Rachel bel vir Pieter uit die bloute.
AGTERPLAAS deur Charles J. Fourie - Episode 50
Klets en Sannie loop die akteur raak by die supermark, en Sannie nooi hom na Pieter se verjaarsdagpartytjie. Pieter vertel vir Frans dat Rachel by hom was en 'n blou oog het nadat Moolman haar geslaan het. Moolman daag onverwags op by Pieter se verjaardag en soek vir Rachel.
AGTERPLAAS deur Charles J. Fourie - Episode 49
Moolman wil sy geld terughê ná die fiasko by die rampartytjie. Rachel daag in die middel van die nag by Pieter op met 'n blou oog nadat sy en Moolman rusie gehad het. Sannie besluit om terug te gaan.
AGTERPLAAS deur Charles J. Fourie - Episode 48
Moolman wil hê Rachel moet gaan dans by 'n rampartytjie, maar sy weier. Frans besoek vir Sannie by die plek vir haweloses en smeek haar om huis toe te kom. Sannie aanvaar Gerda se aanbod om tydelik by haar te gaan woon.
AGTERPLAAS deur Charles J. Fourie - Episode 47
Frans soek vir Sannie, en vind haar by Giel se Gat. Klets vra vir Gerda om te help om Sannie te vind. Gerda gaan soek vir Sannie, en vind haar by 'n plek vir haweloses. Sy probeer haar oortuig om huis toe te kom.
AGTERPLAAS deur Charles J. Fourie - Episode 46
Frans is woedend vir Sannie wat skelm drink, en sluit haar in die karavaan toe. Pieter besoek Rachel by haar woonstel, en sy vra hom om haar nie weer te kontak nie. Klets dreig om die Welsyn te bel toe Frans en Sannie weer baklei.
AGTERPLAAS deur Charles J. Fourie - Episode 45
Klets neem vir Pieter na Louw Visagie om hom te vertel van die geheimsinnige pakkie wat Rachel vir Moolman in Durban gaan aflewer. Louw keer Rachel voor by die lughawe en onderskep die pakkie.
AGTERPLAAS deur Charles J. Fourie - Episode 44
Pieter doen aërobiese oefeninge saam met Klets, en kla dat sy besig is om sy lewe oor te neem. Frans besoek vir Moolman en vertel hom die polisie het kom navraag doen oor Nico se verdwyning. Rachel stem in om die pakkie vir Moolman in Durban saam met Natasja af te lewer.
AGTERPLAAS deur Charles J. Fourie - Episode 43
Frans wys sy nuwe klere vir Sannie, en sy en Klets dink hy lyk meer soos 'n rugbyondersteuner as iemand wat werk soek. Moolman neem Rachel op 'n verrassingsuitstappie en maak haar 'n aanbod om meer geld te verdien as wat sy met die dansery by die nagklub verdien.
AGTERPLAAS deur Charles J. Fourie - Episode 42
Pieter is geskok wanneer hy die tydrooster sien wat Klets vir hom uitgewerk het. Louw Visagie besoek Rachel by Moolman se nagklub om uit te vind wanneer laas sy vir Nico gesien het, en deel haar die nuus mee dat hulle Nico se lyk op 'n mynhoop gevind het.
AGTERPLAAS deur Charles J. Fourie - Episode 41
Frans besluit hy gaan sy hare laat sny en vir hom klere koop, maar is geheimsinnig oor hoekom hy dit wil doen. Sannie konfronteer Klets omdat Klets kwansuis besig is om Pieter van Sannie te vervreem. Visagie lê besoek af by Frans om hom te ondervra oor Nico se verdwyning.
AGTERPLAAS deur Charles J. Fourie - Episode 40
Blikkies se begrafnis word gehou, en Klets bly agter by Blikkies se graf. Frans is ontsteld as hy vir Sannie vang wat skelm drink. Klets besluit sy gaan voortaan Pieter se roetine vir hom reël.
AGTERPLAAS deur Charles J. Fourie - Episode 39
Gerda ontmoet Rachel om met haar te gesels oor haar dansery by Moolman se nagklub. Klets is emosioneel oor Blikkies se begrafnis wat op hande is. Frans vra die pastoor om saam met hom na die nagklub te gaan waar Rachel dans, en is geskok as hy sy dogter voor almal sien ontklee.
AGTERPLAAS deur Charles J. Fourie - Episode 38
Klets besluit sy gaan Blikkies se buitekamer vir Pieter inrig sodat hy daar kan bly. Pieter vertel vir Frans dat Nico spoorloos verdwyn het en dat sy ouers hom as vermis by die polisie gaan aangee het. Frans verras Sannie met 'n romantiese ete en alkohol-vrye sjampanje.
AGTERPLAAS deur Charles J. Fourie - Episode 37
Klets gaan maak reëlings met pastoor Fredericks vir Blikkies se begrafnis. Gerda besoek Sannie en is geskok om haar in so 'n toestand te sien. Sannie gaan soek Frans op by Giel se Gat, en hulle herenig.
AGTERPLAAS deur Charles J. Fourie - Episode 36
Klets wil by Sannie weet hoe sy pastoor Fredericks kan kontak om Blikkies se begrafnis te reël. Pieter daag by Rachel se woonstel op en vertel haar dat oom Blikkies oorlede is. Klets besluit om die vrou van die kostent te vra om met Sannie te kom praat omdat sy weer begin drink het.
AGTERPLAAS deur Charles J. Fourie - Episode 35
Klets is histeries as sy verneem dat Blikkies die vorige aand oorlede is, en vra Sannie om haar hospitaal toe te vergesel. Louw is verbaas as hy hoor Blikkies se seun het vir Blikkies kom kuier by die hospitaal. Moolman neem Nico weer na die ou inryteater by die mynhoop, met ander planne.
AGTERPLAAS deur Charles J. Fourie - Episode 34
Nico vra Pieter om verskoning oor die bakleiery met Dewald, en lei Pieter in 'n lokval om Moolman te ontmoet. Pieter betrap sy ma met 'n bottel wyn, en Sannie bieg sy het moed opgegee. Moolman besoek Blikkies by die hospitaal.
AGTERPLAAS deur Charles J. Fourie - Episode 33
Louw lig Blikkies in dat Rachel blykbaar teruggetrek in die woonstel waar sy en Alet voorheen gewoon het. Klets verneem dat Blikkies 'n brief vir sy seun geskryf het, en besluit sy gaan sorg dat Blikkies en sy seun herenig. Pieter word aangerand by die skool deur Dewald.
AGTERPLAAS deur Charles J. Fourie - Episode 32
Klets en Sannie kry amper 'n boete wanneer hulle die tweedehandse klere by die taxihalte gaan verkoop. Blikkies gee vir Louw 'n brief om aan Blikkies se seun te gee waarin hy vergifnis vra. Klets verneem by Blikkies dat die dokters hom minder as 'n maand gegee het om te leef.
AGTERPLAAS deur Charles J. Fourie - Episode 31
Klets kom met 'n plan vorendag om Sannie te help om haar huur betaal. Pieter laat glip aan Sannie dat hy vir Blikkies bloed sien hoes het. Moolman vra Nico om sy oë en ore te wees, en uit te vind wat die polisie soek.
AGTERPLAAS deur Charles J. Fourie - Episode 30
Sannie konfronteer Blikkies oor hoekom hy sy vriend Louw Visagie in die polisie genader het. Visagie lê besoek af by Frans en vra hom uit oor die selfone wat hy by die Nigeriër gekoop het. Blikkies bieg teenoor Pieter dat hy bloed hoes en vra hom om nie vir Klets te vertel nie.
AGTERPLAAS deur Charles J. Fourie - Episode 29
Sannie bieg teenoor Pieter dat sy bekommerd is oor Frans, en vra Pieter om 'n kombers vir Frans te vat. Klets vertel vir Sannie dat speurder Louw Visagie by Blikkies kom kuier het. Sy dink dit het iets te make met Frans. Louw maak kontak met Pieter, en vra hom uit oor die selfone.
AGTERPLAAS deur Charles J. Fourie - Episode 28
Frans is ontsteld wanneer Nico hom vertel dat Rachel moontlik by Moolman se nagklub as ontkleedanseres werk. Klets is nuuskierig om uit te vind waaroor Blikkies en Louw Visagie gesels. Blikkies vra Louw om Frans en Rachel uit Moolman se kloue te red.
AGTERPLAAS deur Charles J. Fourie - Episode 27
Klets wil Blikkies versorg, maar hy is 'n moeilike pasiënt. Nico kry 'n boodskap van Frans om hom te ontmoet oor die selfone. Pieter vertel vir Blikkies van die gesteelde selfone waarmee sy pa en Nico smous. Blikkies besluit om vir Frans die skrik op die lyf te jaag, en so te verhoed dat Frans gevang word
AGTERPLAAS deur Charles J. Fourie - Episode 26
Sannie skop vir Frans uit, en sê hy moet die tent vat en by Groendam gaan bly, want dan is hy naby Giel se Gat om verder te drink. Pieter vra Nico om saam met hom te gaan om te kyk of Rachel by Moolman is. Blikkies word uit die hospitaal ontslaan en huis toe gestuur ná sy operasie. Klets sal hom versorg.
AGTERPLAAS deur Charles J. Fourie - Episode 25
Sannie is verbaas wanneer sy uitvind dat Rachel terug is, en wil weet wat verkeerd geloop het met Alet. Pieter gaan soek vir Frans by Giel se Gat nadatFrans die vorige aand nie huis toe gekom het nie. Sannie is ontsteld wannear Frans dronk opdaag en boonop vir Moolman saamgenooi het om by hulle te kom eet.
AGTERPLAAS deur Charles J. Fourie - Episode 24
Rachel besluit om by Alet se woonstel uit te trek en tydelik weer by Sannie en Pieter in die karavaan te gaan bly. Moolman pak die skuld op Alet dat Rachel nie meer by die nagklub wil dans nie, en vra haar om uit die woonstel te trek. Nico vertel vir Moolman dat hy Frans by Giel se Gat sal vind.
AGTERPLAAS deur Charles J. Fourie - Episode 23
Die perd waarop Frans met Nico se geld gedobbel het, wen naelskraap die perderen. Frans besluit om dit met 'n bier te vier. Moolman laat glip aan Rachel dat hy Alet betaal het om Rachel te lok om by die nagklub te kom dans. Die Nigeriër, Gift, weier om die selfone aan Frans te verkoop.
AGTERPLAAS deur Charles J. Fourie - Episode 22
Nico vertel vir Pieter van die ooreenkoms wat hulle aangegaan het om selfone te koop en verkoop. Pieter is woedend dat sy pa agter sy rug met Nico konkel. Frans kry Nico se R1,000 by hom, en plaas die geld op 'n perderenweddenskap sonder dat Nico dit besef.
AGTERPLAAS deur Charles J. Fourie - Episode 21
Rachel vertel vir Alet van haar ervaring om in die nagklub te dans, en dat sy baie gespanne was. Frans besluit om geld bymekaar te maak en saam met Nico in 'n vennootskap te gaan met die koop en verkoop van die gesteelde selfone.
AGTERPLAAS deur Charles J. Fourie - Episode 20
Klets verneem by die hospitaal dat Blikkies se biopsie wys dat hy wel kanker het, en dat hulle sal moet opereer. Moolman vra vir Rachel om 'n proeflopie te kom dans by die nagklub. Sannie verbied vir Pieter om verdere kontak met Nico te hê. Rachel konfronteer Pieter oor die R200 wat hy uit die kasregister gesteel het by haar werk.
AGTERPLAAS deur Charles J. Fourie - Episode 19
Rachel gaan kyk saam met Moolman na die dansvloer by die nagklub, en sy gaan 'n ooreenkoms met hom aan. Frans probeer by Pieter uitvis waar hy aan die geld gekom het. Rachel vertel Sannie van Pieter se planne om gesteelde selfone te verkoop, en Sannie laat Pieter terugtrek in die karavaan.
AGTERPLAAS deur Charles J. Fourie - Episode 18
Sannie vind geld in Blikkies se kamer waar Pieter slaap, en is bekommerd dat Pieter dalk by by iets onwettig betrokke is. Rachel ontmoet vir Moolman, en vra hom om vir Gift, die Nigeriër, te vra om nie gesteelde goedere aan hulle te verkoop nie. Frans besluit om ondersoek in te stel na wat aangaan.
AGTERPLAAS deur Charles J. Fourie - Episode 17
Rachel konfronteer vir Nico oor die speletjies wat hy en Pieter koop en verkoop, en dring aan om die persoon te ontmoet by wie hulle die gesteelde goed koop. Sannie is effe jaloers as sy sien hoe vriendelik Frans en Klets met mekaar geraak het. Rachel vra Nico om haar te gaan wys waar Moolman woon.
AGTERPLAAS deur Charles J. Fourie - Episode 16
Nico vertel vir Pieter dat hulle selfone kan koop by die persoon by wie hulle die speletjies gekoop het. Pieter probeer by Rachel geld leen om van die gesteelde selfone te koop. Klets is ontsteld toe sy verneem Blikkies moet moontlik 'n operasie ondergaan, en vra Sannie om saam te gaan hospitaal toe.
AGTERPLAAS deur Charles J. Fourie - Episode 15
Sannie is bekommerd omdat Pieter nie die vorige aand teruggekom het nie, en gaan kyk of hy nie by Rachel oorgeslaap het nie. Klets deel Frans mee dat sy besluit het hy kan maar haar huis se dak verf. Alet en Rachel neem Sannie na Nico se huis om uit te vind of Pieter dalk daar oorgeslaap het.
Recommended
NCMI KZN Pastors' Connect
Jesus Everywhere Church
The Bible Brewery
Bishop Mosa Sono
Deep Soundscape Podcast
Oasis Church ZA
Living Flat Out in Jesus with Bradley Verreynne
Hope Restoration Ministries
No Politics. Just House. By Alma T
Fr T Thought Of the Day
Afternoon Drive with John Maytham
CRC - Pastor At Boshoff
